قدرك معي
قدرك فوق الراس
وتاج الراس
وداخل العين
ونور العين
وحبك
ياللي تسألين عن حبك
حبك ما أهنته
ما بعدته
ولا كرهته
ما جفيته
ما بعته
ولا رميته
حبك انا ادمنته
وهويته
حبك انغرس بقلبي
مثل غرس الشجر
وقلبي انشق ،،
وفتح ابوابه
ودخل حبك وسكن ،،
وصار تاجه
وانتي صرتي عنواني
دروبي ودنيتي وأحلامي
وأنيسي فوحدتي ومقامي
وانتي لي مثل المطر
لي هطل على ارض يباس
احيا عروقها ودبت فيها الحياة
واستبشرت وازهرت ،،
بخير لزارعها كثير
هذا انتي لي يا كل الحياة
وما هو تعنت مني
ولا انا حقير
ولا اهمال مني
ولا تقصير
وهذا نبض قلبي يقول
أحبك ،، أحبك
انشوده قلتها
ولا زلت اقولها
أحبك .. أحبك
يا نبض قلبي والوريد
ويا تاج راسي
وحبي الوحيد
وانتي لي صدر الأم
لطفل وليد
هذا قدرك معي ،، وأكثر
مما تخطه الاقلام
او يحكي به اللسان
او تنثره المدامع
