لا تعيد ..
الناس عارف هذا
من زمان بعيد
يدروا انهم للعدم
أقرب منه للوجود
ويدروا انهم بعد هذا مبعوثين
بعد ما كانوا احياء
وفي قبورهم ميتين
يكرهون الزكام والأرق
ويعافون الصديد والعرق
يبذلون الغالي والنفيس
لامتاع هالجسد
وآه يا كثر الحسد
يصنعون ويغزلون
يبيعون ويشترون
لكرنفال الدود .. المال يبذلون
وآه يا هذا الجنون
كل شيء يذكرونه
في حياتهم يحضرونه
إلا الكفن .. ينسونه
أو بمعنى تناسونه
آه يا ليتهم يفهمونه
لا تعيد
هم يدروا ان الجسد
ماله إلا التراب
وهم يحقرون التراب
وآه يا كثر العذاب
